ስለ ዝሙት

መልስ፦በዝሙት ኀጢአት ለወደቅን ሰዎች አንደኛና አይነተኛ መፍትሄው፥ ንስሐ መግባት ነው። ለዚህም፦

1ኛ/ በመጀመሪያ ስለፈፀምነው የዝሙት ኀጢአት መሆኑን አምነን ከልብ የሆነ ፀፀት ሊኖረን ይገባል።

2ኛ/ የንስሐ አባት ሊኖረን ይገባል። እንደ ኀጢአታችን አይነት እና መጠን ቀኖና እየሰጠ በየጊዜው ክትትል አድርጎ  ሙሉ ለሙሉ ከዚህ ኀጢአት እስከምንወጣ የሚመክረን ፀጋውና ትሩፋቱ የበዛለት ለነፍሳችን እረኛ ጠባቂ የሆነ ጥሩ የንስሐ አባት ያስፈልገናል። 

3ኛ/ ንስሐ መግባትና የንስሐ አባታችን የሚሰጡንን ቀኖና በአግባቡ መፈፀም አለብን፤

4ኛ/ አብዝቶ መፆም ፣ አብዝቶ መፀለይ፣ አብዝቶ መስገድ ያስፈልገናል። ዘወትር ሳያቋርጡ የሚፀልዩት የግል ፀሎት መኖር አለበት። ጠዋትም ማታም የምንፀልየው ከዘወትር ፀሎትና ውዳሴ ማርያም ውጪ ጊዜ የምናገኝ ከሆነ ፥ እንደ መንፈሳዊ እወቀት ደረጃችን መጠን በግላችን በቋሚነት የምንፀልየው ፀሎት ሊኖረን ይገባል። ለምሳሌ መዝሙረ ዳዊትን፣ ድርሳነ ሚካኤል፣ ወንጌለ ዮሐንስን፣ ድርሳናትን፣ መዝገበ ፀሎት እና ስለ ንስኀ ትምህርት የሚሰጡ መፃህፍትን በተጨመሪ ማንበብና መፀለይ ይቻላል።  ከዚህ ጋር አብዝቶ በመስገድም እርኩስ መንፈስን መዋጋት ይቻላል። ስንሰግድ በፊታችን መስቀል ወይም ቅዱሳን ስዕላት ወይም ወንጌል አድርገን በትዕምርተ መስቀል እያማተብን ጉልበታችንን እና ግንባራችንን መሬት እያስነካን መስገድ ይገባል።

5ኛ/ በምንተኛበት አካባቢ በክፍላችንም በቅፅረ ቤታችንም በመኝታ ዙሪያችንም ሁሉ አጋንንት እንዳይቀርቡ እንደ አጥር ሆኖ የሚከላከል ጋሻና መከታ ሊሆን የሚችለውን መስቀሉን ብንቀስረው ወይም ብንከበው ያን ጊዜ አጋንንት ስለሚያቃጥላቸውና ሃይላቸው ስለሚደክም ጨርሶ ይጠፋሉ።  ምክንያቱም ፀሎቱ አጥር ነው፣ መስቀሉም አጥር ነው፣ በዙሪያችን የምንፀልይባቸው ቅዱሳን መፃህፍት እና መዝገበ ፀሎቱ አጥር ናቸው።

6ኛ/ ሁሌ ከዚህ ክፉ ሃሳብ መለየት እንዲችሉ ይህ የኅጢአት ሃሳብ ወደ እርስዎ እየመጣ በተዋጋዎት ቁጥር የእግዚአብሔርን ስም፣ የእናታችንን የድንግል ማርያምን ስም፣ የቅዱሳን መላዕክትን ስም እና የቅዱሳን ፃድቃን ሰማእታትን ስም በመጥራት ወዲያውኑ ሰይጣን በአይምሮዎት ላይ የፈጠረውን ክፉ ምኞት ለመቃወምና ከእርስዎ ለማራቅ መቻል አለብዎት።

7ኛ/  ከነዚህም በተጨማሪ፦  ቤተክርስቲያን መሳለም፣ ማስቀደስ፣ ፀበል መረጨት በራሱ በፈጣሪ በእግዚአብሔር ስም እና በቅዱሳን ስም ወደፈለቀው ፀበል ቦታ በመሄድ በአባቶች እጅ መጠመቅ ፣ በመስቀል መባረክ፣ እምነቱን መቀባት ፀበሉን መጠጣት ለተወሰነ ሱባኤ ግዜ ከአባቶች ጋር በመመካከር ከስጋዊ ህይወት እርቆ በመንፈሳዊ አገልግሎት ተወስኖ መቆየት፤ የተለያዩ የቤተክርስቲያን መጻሕፍትን በማንበብ እንዲሁም በድምፅ አና በምስል የተዘጋጁ ሃይማኖታዊና መንፈሳዊ መልእክት የሚያስተላልፉ ትምህርቶች፣ መዝሙሮች መከታተልን ማዘውተር።

8ኛ/ ዋናው ተስፋ አለመቁረጥ ነው!!!  አንድ ጊዜ ሳይሳካልን ብንወድቅ እንኳን ደጋግመንም ቢሆን በንስኀ እየተነሳን እስከመጨረሻው መቀጠል አለብን። በንስኀ አባቶቻችን መሪነትና መካሪነት በፅናትና በእምነት ሆነን ከዚህ ኀጢአት ለአንዴና ለመጨረሻ ጊዜ እርም ብለን እስከምንላቀቅ ድረስ በፅናት መትጋት እንደሚገባ እንመክራለን።

በአጠቃላይ ከላይ የተዘረዘሩትን መንፈሳዊ ተጋድሎዎች ሁሉንም በአንድ ጊዜ ሳይሆን እንደ መንፈሳዊ እውቀታችን እና እንደ ተፈተንበት የዝሙት አይነትና መጠን በማገናዘብ እየፈፀምን መንፈሳዊ ህይወታችንን ደረጃ በደረጃ በማሳደግ ሳናቋርጥ በምናደርገው ፅኑ ተጋድሎ መንፈሱ ራሱ ተቃጥሎ ለአንዴና ለመጨረሻ ጊዜ ከእኛ ይለያል።

መልስ፦ የዝሙት ስራ መጀመሪያ በመሳሳም እንደሚገለፅ እነሆ በአለማችን የምናየው ትርኢት ነው። በአጠቃላይ ህጋዊ ከሆነ ጋብቻ ውጪ ያሉ የሴት እና የወንድ መሳሳምም ይሁን፣ በስሜት እየተቃጠሉ መተሻሸትም ይሁን የዝሙት መንስኤዎች እና የዝሙት ዋዜማዎች ናቸው። ስለዚህ እራሳችንን መቆጣጠር አቅቶን እነዚህን ድርጊቶች እየጨመርንበት ስንሄድ ዋናው የዝሙት ኀጢአት ሩካቤ ስጋ መፈፀምም ስለሚመጣ በእግዚአብሔር ዘንድ ያስጠይቀናል ማለት ነው።  በመሰረቱ  በእኛ በቤተክርስቲያን አስተምሮ በበጎ ፈቃድ የምንለዋወጠው ሰላምታ መሳሳምን የሚተካው የክርስቲያናዊ የሰላምታ አይነት ነው። ምክንያቱም ራሱን የገዛ እና ከህሊናው ጋር የሚኖር ማንኛውም ክርስቲያን ከትዳር ጓደኛውም ጋር ቢሆን ከሌላው ሰው ጋርም ቢሆን እውነተኛ ፍቅርን እና ናፍቆትን የሚገልፅበት መሳሳም በሰው ፊትም ይሁን በእግዚአብሔር ፊትም በጉባኤ ፊትም ቢሆን የማያሳፍር የማያሳቅቅ ትክክለኛ እና እውነተኛ ሰላምታ የሚገለፅበት የሰላምታ አሰጣጥ ስርአት ነው። ስለዚህ ከትዳር በፊትም ሆነ በትዳር ጊዜ መሳሳም የሚለው ሃሳብ ከሰው መልካም ስነ ምግባር ጋር የማይሄድ ተግባር ነው።

መልስ፦ ከትዳር በፊት አብሮ ማደር የሚለው አባባል ሲጀመር ከጋብቻ ውጭ የሆነ ማንኛውም ተራክቦ ወይም ግብረ ሥጋ ግንኙነት መፈፀም ከዝሙት ኀጢአት የሚቆጠር መሆኑን መረዳት ያስፈልጋል። ፈቃደ ስጋቸውን መግዛት ያቃታቸው በቃልኪዳን በእጮኝነት ያሉ ወንድ እና ሴት ከጋብቻ በፊት ማንኛውንም ግንኙነት ለማድረግ ቤተክርስቲያን አትፈቅድም። እነሱ በራሳቸው ፈቃድ ቢፈፅሙት እንኳን ንስሐ የሚያስገባ ኀጢአት ነው።

በአጠቃላይ ህጋዊ ከሆነ ጋብቻ ውጪ ያሉ የሴት እና የወንድ መሳሳምም ይሁን፣ በስሜት እየተቃጠሉ መተሻሸትም ይሁን የዝሙት መንስኤዎች እና የዝሙት ዋዜማዎች ናቸው። ስለዚህ እራሳችንን መቆጣጠር አቅቶን እነዚህን ድርጊቶች እየጨመርንበት ስንሄድ ዋናው የዝሙት ኀጢአት ሩካቤ ስጋ መፈፀምም ስለሚመጣ በእግዚአብሔር ዘንድ ያስጠይቀናል ማለት ነው። ነገር ግን ወንድ እና ሴት ከጋብቻ በፊት በቃልኪዳን ተሳስረው ምንም አይነት ሩካቤ ሳያደርጉ የጋብቻቸውን ቀን በማክበር ከቆዩ በኋላ ጋብቻቸው ሲፈፀም በእግዚአብሔር የተቀደሰ በማህበረሰቡም ዘንድ ስለታወቀላቸው የሚያደርጉት የተራክቦ ስጋ ሁሉ በእግዚአብሔር ፊት የተፈቀደ ህግን ፈፀሙ እንጂ የዝሙት ስራን ስላልፈፀሙ ኑሯቸው ሁሉ ህጋዊ እንደሆነ ይታመናል።

መልስ፦ ጠያቂያችን፦  አንድ ክርስቲያን የተፈፀመውን በደል በራሱ ግዜ አምኖ ተፀፅቶ ንስሓ ገብቶ የተሰጠውንም ቀኖና ጨርሶ ወደፊት ኅጢአት ላለመስራት በእግዚአብሔር ፊት ቃል ኪዳን ከገባ በኋላ ደግሞ ያንኑ በደል ከፈፀመ ሰውነቱን የተቆራኘው የኀጢአት ደዌ ብሶበታል ማለት ነው።  አሳዛኝ ቢሆንም ስለአድን ሰው መጥፋት ቤተክርስቲያን ዝም ስለማትል ተስፋ ሳይቆረጥ ይሄን ሰው በተለያየ መንገድ የንስሓ አባቱ ወይም ሌላም አባት በቅርብ ውስጣዊ ችግሩን ተረድተው እና መርምረው አሁንም ወደ ንስሓ ህይወት እንዲቀርብ እና በተደጋጋሚ ከተፈተነበት የኀጢአት መዘዝ ውስጥ እንዲወጣ ማድረግ የግድ አስፈላጊ ነው። ጌታችን መድኀኒታችን እየሱስ ክርስቶስ በቅዱስ ወንጌል እንደተናገረን ሐዋሪያው ቅዱስ ጴጥሮስ ጌታን አቤቱ ወንድሜ ምን ያህል ቢበድለኝ ምን ያህል ይቅር ልበለው እስከ 7 ጊዜ ነውን ብሎ በጠየቀው ጊዜ እስከ 7 አልልህም 7ቱን አንድ እያልክ እስከ 70 ነው እንጂ” በማለት ለኅጢአት ይቅርታ የጊዜ እና የቁጥር ገደብ እንደሌለው አረጋግጦልናል። (ማቴ 18፥21-22)

ንስሐ አባትን በሚመለከት ለገለጹት፥ በሰራነው ኀጢአት አፍረን እና ተሸማቀን ክብራችን እንዳይነካ ለመሰወር እና ጥፋታችንን ለመደበቅ የምናደርገው ስጋዊ አስተሳሰብ ካለ ሰውን ብናሞኝ እግዚአብሔርን ማታለል ስለማንችል የዚህ አይነት አካሄድ ከእውነተኛ ክርስቲያን የማይጠበቅ ተግባር ነው። ከዚህ ውጭ በሆነ በቀና መንፈስ ከሆነ ግን በደረስንበት መንፈሳዊ ቦታ ሁሉ እውነተኛ የቤተክርስቲያን አባቶችን በማነጋገር የዋለው ኀጢአታችን እንዳያድርብን ያደረውም እንዳይውልብን በጊዜውም ያለጊዜውም በአባቶች ጥበቃ የንስሓ ህይወት መኖር ከሁሉም ክርስቲያን ይጠበቃል። ለጠያቂያችንም ሆነ ለሌላው ሁሉ ምክር የምንሰጠው ምናልባት የሰራነውን ኀጢአት ሁሉ ለመደበኛ የንስሓ አባታችን ለመናዘዝ የምናፍርበት ወይም ካህኑንም የምንጠራጠራቸው ነገር ካለ ስርአታዊ መንገድ ተጠቅመን በመንፈሳዊ ጥበብና በትህትና ሁነን ተሰናብተን ፤ ሳንጠራጠር ከልብ የምናምናቸውን ሌላ አባት መርጠን መያዝ ይገባናል። አንዳንዶቻችን ለራሳችን ደህንነትም ሆነ ለማህበራዊ ግንኙነታችን ችግር የሚያመጣብን ቢሆን እንኳን እጅግ ጥንቃቄ በተሞላበት መንገድና አስፈላጊም ከሆነ ወደሌላ ቅዱስ ቦታ ራቅ ብለን በመሄድ ለቤተክርስቲያን አባቶች መናዘዝና ንስኅችንን ማከናወን ይገባናል። እኛም በዚህ ፕሮግራም ሰዎች ይድኑ ዘንድ በተቻለን መጠን ስለናንተ የምናደርገው ጥረትና የምንሰጠው መንፈሳዊ አገልግሎት ከዚህ የተነሳ ስለሆነ የእያንዳንዳንዳችሁንም የውስጥ ችግር በሃሳብም ቢሆን ስለምንረዳችሁ ምናልባት ለንስኅ አባት ለመንገር የሚያስፈራችሁና የሚያሰጋችሁ በቂ ምክንያት ካለ እኛንም በውስጥ መስመር አግኝታችሁ ብታሳውቁን መፍትሄ እንሰጣችኋለን። ይህን የምንልበት ምክንያት ብዙዎቹ ምእመናን ለንስሓ አባቶቻቸው ግልፅ ሆነው የሰሩትን በደል ለመንገር የማይችሉበት ዋናው ምክንያት ምስጢር ይባክንብናል ብለው ከነኀጢአታቸው የሚኖሩ አሉና፤ አንዳንዶቹ ደግሞ ለአባቶቻቸው ግልፅ ለመሆን በአካባቢያቸው በማህበራዊ ህይወት ከመንፈሳዊ አባቶቻቸው ጋር አብረው ስለሚኖሩ የመተፋፈርም ነገር ስለሚያጋጥማቸው በዚህም ምክንያት የሚሳቀቁ ምእመናን እንዳሉ መረጃው ስላለን፤ ከዚህ ሁሉ ስጋት ነፃ ለመሆን የሚያምኑበትን እና የማይጠራጠሩበትን አባት መያዝ እንደሚገባቸው በአፅንዎት እንመክራለን። ለዘላለማዊ የነፍስ ድህነት ጉዳይ የምንሰራውና የምናደርገው ተጋድሎ በስጋዊ አመለካከት ወይም ምድራዊ በሆነ አሰራር የምንኖረው ሂደት ስላልሆነ ልዩ ጥንቃቄ ያስፈልገዋል። 

መልስ፦ ጠያቂችን ፤ ዝሙት በስሙ ዝሙት ቢባልም በስራው ወይም በኅጢአት ሲገለፅ  ግን እጅግ ከፍተኛ የኅጢአት አይነት ከመሆኑም በላይ የኅጢአቱም ብዛት እና ደረጃም ይለያያል። ለምሳሌ ከአንድ ሰው ጋር መዘሞትና ከብዙ ሰው ጋር መዘሞት ኅጢአትነቱ ልዩነት አለው። በመሆኑም ኅጢአቱን ለማድረግ ካላፈርነው ከብዙ ሰዎች ጋር የዝሙት ኅጢአት ፈፅሜያለሁ ብለን ለካህኑ ለመናገር የሚያሳፍረን ነገር የለም። ስለዚህ ከእግዚአብሔር ቀጥሎ ለምናምነው ለንስኀ አባታችን የሰራነውን የዝሙት አይነት ዘርዝረን መናገር አስፈላጊ ነው፤ ምክንያቱም የንስሐ ቀኖና የሚሰጠን በሰራነው ለእያንዳንዳንዱ የዝሙት ኅጢአትና መጠን አንፃር በአንቀፀ ንስሐ ታይቶ የሚሰጠን ቀኖና ስላለ ነው።

መልስ፦ በአፇማት እና  የበዓል ቀናት ግብረስጋ ግንኙነት ማድረግ የተከለከለ ነው። ይህንንም በሚመለከት፦

 1ኛ/  በቀኖና የተደነገጉ 7ቱ አፅዋማት፦ ወንዱ ከሴቷ፣ ሴቷም ከወንዱ እርቃ በሱባኤ ተለይቶ ማሳለፍ እንዳለብን የቤተክርስቲያናችን ቀኖና ያዛል። ለምሳሌ ሮብ ለመፆም ማክሰኞ ለሮብ፣ ሐሙስ ለአርብ መታቀብ አለብን ማለት ነው።

2ኛ/ በአላትን በሚመለከት እለተ ሰንበት፣ የእመቤታችን በዓል፣ የባለቤቱ የጌታችን የመድኅኒታችን እየሱስ ክርስቶስ በአላት ፣ እና ሌሎችም ታላላቅ የታወቁ በዓላት ከዋዜማቸው ጀምሮ ከሩካቤ እርቀን ማክበር አለብን።

3ኛ/ በማንኛውም ግዜ የፆም የፀሎት ሱባኤ በራሳችንም ይሁን በአባቶቻችን ቀኖና ተሰጥቶን የፆምና የፀሎት ሱባኤ በያዝን ግዜያት፣

ስለመንፈሳዊ ወይም ስለ ክርስቲያናዊ ህይወት ከባልና ሚስት አንዱ ጥንካሬ ካለው ማሸነፍ ያለበትና ተቀባይነት ያለው የሃይማኖቱና የነፍሱን ጉዳይ ተቀዳሚ እና ተፈፃሚ መሆን ያለበት መሆን አለበትና ሃሳቡን በዚህ መረዳት ያስፈልጋል። ይሁን እንጂ ከአቅም በላይ በሆነ ፈተና ፈቃደስጋችን አሸንፎን በዚህ ምኞት ከወደቅን ላጠፋነው ጥፋት የህሊና ፀፀት ተፀፅተን ለንስሐ አባታችን ወደፊት የምንነግረው ሁኖ ፆምና ፀሎትን ሳናቋርጥ እስከመጨረሻው ልንፈፅም ይገባናል።

ከዚህ በተጨማሪም ወደ ቤተክርስቲያን ሄዶ ቅዱስ ቁርባን ለመቀበል፣ ወይም ወደ ቤተመቅደስ ተጠግተን ለማስቀደስ ወይም  ፀበል ለመጠመቅ ለ 3 ቀናት ከስጋ ስርአት እርቀን ንፅህናችንን እና ቅድስናችንን ጠብቀን መቆየት  ያስፈልጋል። ለምሳሌ አንድ ሰው እሁድ ቤተክርስቲያን ለመግባት ቢያንስ ከአርብ ማታ ጀምሮ ከስጋ ሩካቤ መቆጠብ አለበት ማለት ነው። ከዚህ ውጪ በፈተና ከወደቅን ግን የተለመደ የዘወትር ፀሎታችንን በቤታችን አካለ ስጋችንን ታጥበን በፀሎት ቤታችን ቆመን ማድረስ እንችላለን ወይም ወደ ቤተክርስቲያን ሄደን ከመግቢው ቅጽር ሆነን መፀለይ እንችላለን ማለት ነው።  

መልስ፦ ጠያቂያችን፤  ከራስ ጋር የዝሙት ሃሳብ ለመፈፀም ተነሳስተው በሃሳብና በምኞት ራሳቸውን በሰይጣናዊ ስራ ተገዢ የማድረጉ ተግባር ብዙ ወገኖቻችን እየተፈተኑበት ያለ ጉዳይ ነው።  በዘመናችን ወቅታዊ የሆነ ብዙ ሰዎችን እየተዋጋ ያለው ኅጢአት አይነት ሲሆን አለምን ሁሉ አንድ ለማድረግ በምድር ላይ ሰይጣን በከፍተኛ ደረጃ የሰውን ልጅ ሁሉ ወደ አንድ አቅጣጫ ለማምጣት እየታገለ ያለበት ከተፈጥሮአዊ ስርአት ውጭ የሆነ ከፍተኛ የኅጢአት አይነት ነው።   ከተፈጥሮአዊ ስርአት ውጭ በመሆኑም አካላዊ የዝሙት ግብረ ስጋ ከሚፈፅሙትም ሰዎች የበለጠ ኀጢአት ነው። እንዲያውም የሰዶማዊነትም ሃሳብ ከዚህ ይጀምራልና በዚህም ከሰዶማዊነት መንፈስ ጋር ይያያዛል ማለት ነው። ይህ ደግሞ ከኅጢአት ሁሉ የከፋ ከባድ ውድቀት እንደሆነ በቅዱስ መፅሐፍም አስተምሮ አለምን ለጥፋት ያበቃ የኅጢአት አይነት እንደሆነ መረዳት አለብን።

ይሁን እንጂ ብዙዎች የሚፈተኑበት ሰይጣናዊ ሃሳብ ቢሆንም እንኳን የታመመ ሁሉ እንደማይሞት ኅጢአተኛ ሁሉ እንደማይኮነን የወደቀ ሁሉ እንደማይሰበር ሁሉ፥  ክርስቲያን በነፍሱ ላይ ያጋጠመውን የኅጢአት እድፍ በንስሐ ህይወት ታጥቦ ለመፅዳት እስከተዘጋጀ ድረስ ስለወዳጆቹ ወይም ስለልጆቹ አንድ ቀንም የማይጨክነው የርህራሄና የምህረት አምላክ እግዚአብሔር በደላችንን ሁሉ ዘወትር ይቅር ማለት የተለመደ የባህሪይ ሥራው ስለሆነ እርስዎም በዚህ አይነት አቀራረብ ስለፈፀሙት የኅጢአት ስራ በመፀፀት ለንስኅ የተዘጋጀ ህሊና እንዳለዎት ያሳያልና በእርግጠኝነት በዚህ አይነት ፈተና የሚቃወምዎትን ጠላት እንደሚያሸንፉት አይጠራጠሩ።     

ስለዚህ ለአንዴና ለመጨረሻ ጊዜ  ከዚህ አይነት የዝሙት መንፈስ ለመውጣት ይችሉ ዘንድ፦

1ኛ/ በመጀመሪያ ስለፈፀምነው የዝሙት ኀጢአት መሆኑን አምነን ከልብ የሆነ ፀፀት ሊኖረን ይገባል።

2ኛ/ የንስሐ አባት ሊኖረን ይገባል። እንደ ኀጢአታችን አይነት እና መጠን ቀኖና እየሰጠ በየጊዜው ክትትል አድርጎ  ሙሉ ለሙሉ ከዚህ ኀጢአት እስከምንወጣ የሚመክረን ፀጋውና ትሩፋቱ የበዛለት ለነፍሳችን እረኛ ጠባቂ የሆነ ጥሩ የንስሐ አባት ያስፈልገናል። 

3ኛ/ ንስሐ መግባትና የንስሐ አባታችን የሚሰጡንን ቀኖና በአግባቡ መፈፀም አለብን፤

4ኛ/ አብዝቶ መፆም ፣ አብዝቶ መፀለይ፣ አብዝቶ መስገድ ያስፈልገናል። ዘወትር ሳያቋርጡ የሚፀልዩት የግል ፀሎት መኖር አለበት። ጠዋትም ማታም የምንፀልየው ከዘወትር ፀሎትና ውዳሴ ማርያም ውጪ ጊዜ የምናገኝ ከሆነ ፥ እንደ መንፈሳዊ እወቀት ደረጃችን መጠን በግላችን በቋሚነት የምንፀልየው ፀሎት ሊኖረን ይገባል። ለምሳሌ መዝሙረ ዳዊትን፣ ድርሳነ ሚካኤል፣ ወንጌለ ዮሐንስን፣ ድርሳናትን፣ መዝገበ ፀሎት እና ስለ ንስኀ ትምህርት የሚሰጡ መፃህፍትን በተጨመሪ ማንበብና መፀለይ ይቻላል።  ከዚህ ጋር አብዝቶ በመስገድም እርኩስ መንፈስን መዋጋት ይቻላል። ስንሰግድ በፊታችን መስቀል ወይም ቅዱሳን ስዕላት ወይም ወንጌል አድርገን በትዕምርተ መስቀል እያማተብን ጉልበታችንን እና ግንባራችንን መሬት እያስነካን መስገድ ይገባል።

5ኛ/ በምንተኛበት አካባቢ በክፍላችንም በቅፅረ ቤታችንም በመኝታ ዙሪያችንም ሁሉ አጋንንት እንዳይቀርቡ እንደ አጥር ሆኖ የሚከላከል ጋሻና መከታ ሊሆን የሚችለውን መስቀሉን ብንቀስረው ወይም ብንከበው ያን ጊዜ አጋንንት ስለሚያቃጥላቸውና ሃይላቸው ስለሚደክም ጨርሶ ይጠፋሉ።  ምክንያቱም ፀሎቱ አጥር ነው፣ መስቀሉም አጥር ነው፣ በዙሪያችን የምንፀልይባቸው ቅዱሳን መፃህፍት እና መዝገበ ፀሎቱ አጥር ናቸው።

6ኛ/ ሁሌ ከዚህ ክፉ ሃሳብ መለየት እንዲችሉ ይህ የኅጢአት ሃሳብ ወደ እርስዎ እየመጣ በተዋጋዎት ቁጥር የእግዚአብሔርን ስም፣ የእናታችንን የድንግል ማርያምን ስም፣ የቅዱሳን መላዕክትን ስም እና የቅዱሳን ፃድቃን ሰማእታትን ስም በመጥራት ወዲያውኑ ሰይጣን በአይምሮዎት ላይ የፈጠረውን ክፉ ምኞት ለመቃወምና ከእርስዎ ለማራቅ መቻል አለብዎት።

7ኛ/  ከነዚህም በተጨማሪ፦  ቤተክርስቲያን መሳለም፣ ማስቀደስ፣ ፀበል መረጨት በራሱ በፈጣሪ በእግዚአብሔር ስም እና በቅዱሳን ስም ወደፈለቀው ፀበል ቦታ በመሄድ በአባቶች እጅ መጠመቅ ፣ በመስቀል መባረክ፣ እምነቱን መቀባት ፀበሉን መጠጣት ለተወሰነ ሱባኤ ግዜ ከአባቶች ጋር በመመካከር ከስጋዊ ህይወት እርቆ በመንፈሳዊ አገልግሎት ተወስኖ መቆየት፤ የተለያዩ የቤተክርስቲያን መጻሕፍትን በማንበብ እንዲሁም በድምፅ አና በምስል የተዘጋጁ ሃይማኖታዊና መንፈሳዊ መልእክት የሚያስተላልፉ ትምህርቶች፣ መዝሙሮች መከታተልን ማዘውተር።

8ኛ/ ዋናው ተስፋ አለመቁረጥ ነው!!!  አንድ ጊዜ ሳይሳካልን ብንወድቅ እንኳን ደጋግመንም ቢሆን በንስኀ እየተነሳን እስከመጨረሻው መቀጠል አለብን። በንስኀ አባቶቻችን መሪነትና መካሪነት በፅናትና በእምነት ሆነን ከዚህ ኀጢአት ለአንዴና ለመጨረሻ ጊዜ እርም ብለን እስከምንላቀቅ ድረስ በፅናት መትጋት እንደሚገባ እንመክራለን።

በአጠቃላይ ከላይ የተዘረዘሩትን መንፈሳዊ ተጋድሎዎች ሁሉንም በአንድ ጊዜ ሳይሆን እንደ መንፈሳዊ እውቀታችን እና እንደ ተፈተንበት የዝሙት አይነትና መጠን በማገናዘብ እየፈፀምን መንፈሳዊ ህይወታችንን ደረጃ በደረጃ በማሳደግ ሳናቋርጥ በምናደርገው ፅኑ ተጋድሎ መንፈሱ ራሱ ተቃጥሎ ለአንዴና ለመጨረሻ ጊዜ ከእኛ ይለያል።   


ስለዚህ ጠያቂያችን፤ ከላይ የተዘረዘሩትን መንፈሳዊ ተጋድሎዎች ሁሉንም በአንድ ጊዜ ሳይሆን እንደ መንፈሳዊ እውቀታችን መጠን ደረጃ በደረጃ በንስኀ አባቶቻችን መሪነትና መካሪነት በፅናትና በእምነት ሆነን ሳናቋርጥ ብንጋደል ይህን ኀጢአት የሚያሰራን መንፈሱ ራሱ ተቃጥሎ ለአንዴና ለመጨረሻ ጊዜ ከእኛ ይለያል።   

መልስ፦ እንዲህ አይነቱ ኀጢአት በዘመናችን በሰይጣን መንፈስ የሚመሩ ሰወች ያመጡት አዲስ የኀጢአት ፍልስፍና ስለሆነ ምንም እንኳን ብዙ ሰወች በዚህ ኀጢአት እየወደቁ መሆኑ ቢታወቅም እንኳን በእግዚአብሔር አርአያና ምሳሌ ሰው ሆኖ የተፈጠረ ሰው ሊያደርገው የሚገባ ነገር አይደለም። በዚህ አይነት ኀጢአት የሚፈተኑ ወገኖች ወደው የገቡበት ቢመስልም ውስጣዊ ግፊቱ ግን የሰይጣን ሃሳብ ስለሆነ ከቤተክርስቲያን አባቶች እና መምህራን ምክር እና ተግሳፅ በመቀበል በዚህ ኀጢአት የተጠናወተን መንፈስ ጨርሶ እስከሚለቀን ዘወትር በፀሎት፣ በስግደት፣ እና በመንፈሳዊ ትምህርት መታገል አለብን። ስለዚህ ጠያቂያችን ኀጢአትን ፈፅመን ንስሓ ለመግባት ምንም አይነት የጊዜ ገደብ አያስፈልገውምና፤ በመጀመርያ የፈፀምነውን በደል በግልፅ በማመን ወድያውኑ ለንስሓ አባታችን መናዘዝ አለብን። ከዚያም እንዳሉትም ፀበል አንዱ የንስሐ መንገድ ስለሆነ ከየኅጢአት ሥራችን ለመመለስ በቁርጠኝነት ወስነን፤ እንዲህ አይነት ኀጢአት ከተፈፀመበት 3 ቀን በኋላ ፀበል ለመጠመቅም ሆነ ለመጠጣት እንችላለን።  ዋናው ግን ንስሓ መግባት እና ዳግም በኀጢአት ወድቀን እግዚአብሔርን ላለማሳዘን አጥብቀን ፈጣሪን በፀሎት መጠየቅ አለብን።  ስለዚህ ጠያቂያችን እስከመጨረሻ ድረስ ከእንደዚህ አይነት ክፉ መንፈስ ለመላቀቅ እንዲችሉ በምክር እንድናግዝዎ ካስፈለገ በውስጥ መስመር ያግኙን።

መልስ፦ ጠያቂያችን ሰዶማዊነት እና ተዛማጅ ጉዳዮች በሚመለከት ከፍተኛ የኅጢአት አይነት እንደሆነ መልእክት ማስተላለፉችንን እናስታውሳለን። አሁንም ከራስም ጋር ሆነ የሰዶማዊነት መንፈስ ባለበት የዝሙት ኀጢአት ስራ ፤እንኳን ክህነት ሊኖረው ቀርቶ በነፍሱም በኩል ከባድ የንስሃ ቀኖና ካልፈጸመ በስተቀር በፈጣሪው ዘንድ ያስጠይቀዋል። በእርግጥ የሰው ልጅ ለኅጢአት ባይፈጠርም ለኀጢአት የሚሰማማ ስጋ ስለለበስ በዚሁ ደካማ ስጋው አስቦበትም ይሁን ሳያሰበው ሰይጣን ደካማ ጐኑን ወይም የሃሳብ ዝንባሌውን ፈልጎ በሰውየው ላይ በረቂቅ መንፈሱ አድሮ ስለሚዋጋ ሁሉም ሰው በተለያ የጥፋት መንገድ ሲስናከል ማየት የተለመደ ነገር ነው።ከጥቂት ፍፁማን በስተቀር ከትንሽ እስከ ትልቅ ድረስ ፣ከአዋቂ እስከ ህፃን ድረስ በተለያየ ጥፋት ውስጥ ሁሉም የተጠመደ ነው። የሆነ ሆኖ ብዙ ሰዎች ኀጢአት ሰለሰሩ እና ብዙ ኀጢአት ስለተፈጸመ ፥ኀጢአትን ቀላል አያደርግም ወይም ደግሞ የእኔ ኀጢአት ከእከሌ ኀጢአት ያንሳል ወይም የእከሌ ኀጢአት ከእኔ ኀጢአት ይበልጣል በሚል የማሻሻያ ሃሳብ ሊወሰን የሚችል አይደለም። ስለዚህ ጠያቂያችንም ሆኑ አባላቶቻችን ከኀጢአት ጋር በተያያዘ የሚኖረን አመለካከት ጥልቅና ቁርጠኝነት ሊኖረን ያስፈልጋል። ይህ ማለት በ21ኛው መቶ ክፍለ ዘመን በቤተክርስቲያን ከውስጡ ክፍል ከካህናት እስከ ምእመናን ብዙ ያልተለመዱ እና የሚዘገንኑ የኀጢአት አይነቶች ማየት እየተለመደ ስለመጣ ይህ መጥፎ ልምድ ደግሞ ኀጢአትን እንድንለማመድና እንድንንቅ ወይም ቸላ እንድንል ሰይጣን በስውር ምስጢሩ ሁላችንንም የማደንዘዣ መርፌ የወጋን እስኪመስል በኀጢአት እንቅልፍ ውስጥ ያለን ሰዎች እጅግ ብዙ ነን።

ስለዚህ ካህንም ሆነ ምእመን በሰራው ኀጢአት ከክብሩ ይዋረዳል፤ በእግዚአብሔር ፀጋ የተሰጠው ክህነትም ሆነ መንፈሳዊ ሃይል ከሱ ይወስድበታል።: በንስሓ ሲመለስ ግን ለክህነታዊ አገልግሎት መብቃት ባይችልም የእግዚአብሔርን ሰማያዊ መንግስት ለመውረስ ግን ይታደላል።

በራሳቸው የዝሙት ሃሳብ የፈፀሙ በሌላ በኩል አካላዊ ድንግልናቸውን ያላጡ ወይም የግብረስጋ ስጋ ግንኙነት ያላደረጉ ተክሊል ይገባቸዋል ወይ ተብሎ ስለተጠየቀ በሚመለከት የተሰጠ ምላሽ።

ከሁሉ በፊት መታወቅ ያለበት ከራሳቸው ጋር የዝሙት ሃሳብ ለመፈፀም ተነሳስተው በሃሳብና በምኞት ራሳቸውን በሰይጣናዊ ስራ ተገዚነት የሚያደርጉ ሰወች አካላዊ የዝሙት ግብረ ስጋ ከሚፈፅሙት ሰወች የበለጠ ኀጢአት ነው። እንዲያውም ከሰዶማዊነት መንፈስ ጋር ይያያዛል። ይህ ማለት 21ኛ መቶ ክፍለ ዘመን ሰይጣን በግልፅ የሰለጠነበት የመጨረሻው ዘመን ስለሆነ ከትንሽ እስከ ትልቅ፣ አዋቂነን እሚሉ ሳይቀሩ አብዛኛው ሰው ለማለት ይቻላል በዚህ ኀጥያት እየወደቁ መሆኑን ብዙ የመረጃ ምንጮች ያመለክታሉ። ይሁን እንጂ እንደ ቅዱስ መጽሐፍት አስተምሮ ከስነ-ተፈጥሮ ሕግ ውጪ የሆነ ድርጊት ስለሆነ በዚህ ክፉ ተግባር እያወቁ የወደቁ ሰወች ቢኖሩ ንስሃ ገብተው መንግስተ ሰማይ መውረስ ይችላሉ እንጂ በስርአተ ተክሊል ጋብቻ መፈፀም ግን አይችሉም። 

ነገር ግን በልጅነት እድሜ ሳያውቁ እና ምንም አይነት ሃይማኖታዊ ግንዛቤ ወይም መንፈሳዊ እውቀት ሳይኖራቸውና ተፈጥሮአዊ ነውር መሆኑንም ሳይገነዘቡ የፈፀሙት ከሆነ የቅርብ የነፍስ ሀኪማቸው በሆነ የነፍስ አባታቸው የቀኖና ንስሐ ተሰጥቷቸው ንስሃቸውን ሲጨርሱ በስርአተ ተክሊል ጋብቻ መፈፀም ይችላሉ። በሁለቱ መካከል ያለው ልዩነት የጥፋተኛው ሰው የግንዛቤ ደረጃ እና የጥፋቱ መጠን ነው።

መልስ፦ ጠያቂያችን፤ በዋነኝነት መረዳት ያለብን ማንኛውም ወንድም ሆነ ሴት ክርስቲያን  ከጋብቻ በፊት ቃልኪዳን  ገብተው እያሉ ግንኙነት ማድረግ አይፈቀድላቸውም። ምክንያቱም ከጋብቻ በፊት የሚደረገው የግብረስጋ ሩካቤ እንደ ቤተክርስቲያን ቀኖና ስንመለከተው በዝሙት መንፈስ የተፈፀመ ግንኙነት እንጂ በስርአተ ቤተክርስቲያን የተፈቀደ አይደለም። ስለዚህ ከጋብቻቸው በፊት ገና በቃል ኪዳን በመተሳሰብ እያሉ የስጋ ሩካቤ ካደረጉ በየግላቸው መቁረብም መቀበልም የለባቸውም። ስለፈፀሙት ስህተት በአንቀፀ ንስኅ መሰረት ንስኅ ገብተው ከግብረ ስጋ ግንኙነት እርቀው የጋብቻቸው እለት ቅዱስ ቁርባን መቀበል ይችላሉ። ስለዚህ ጠያቂያችንም ከጋብቻ በፊት እንዲህ አይነት ስህተት ፈፅመው ከሆነ ወደ ንስኅ አባትዎ ቀርበው በመመካከር ተገቢውን ቀኖና መቀበል አለብዎት በማለት ይህን አጭር መልዕክት ልከንልዎታል።

መልስ፦ ከትዳር አጋርዎ ጋር በተከሰተው አለመግባባት ምክር እንድንሰጥዎ የጠየቁን አባላችን፤ በሰው ልጅ የህይወት ጉዞ ውስጥ የማያጋጥም ፈተናና ችግር የለም። በእርግጥ በመካከላችሁ ያጋጠማችሁን ፈተና ስንሰማ በእኛም በኩል እንደመንፈሳዊነት ስናየው አሳዛኝ ገጠመኝ ነው። ነገር ግን ጠያቂያችን ጉዳዩን በትዕግስትና በአፅንዎት መመልከት ያለብዎት የከፉ ነገር ሁሉ መነሻና መድረሻ የሆነው እርኩስ መንፈስ በየጊዜው በሰው ልጅ ላይ የማያመጣው ፈተና የለምና በእናንተም ላይ የተከሰተው ፈተና አሳዛኝና አስደንጋጭ አድርገን ብናየውም ነገር ግን በሰው ላይ ያልደረሰ አዲስ ክስተት እንዳልሆነ መገንዘብ አለባችሁ። በመካከላችሁ የተፈጠረውን ፈታኝ ክስተት ብቻ በመመልከት ለ10 ዓመታተ ያህል የደከማችሁበት የትዳር ጉዞ ውስጥ የገነባችሁትን ህይወት ባልተጠበቀ ገጠመኝ የተከሰተውን ነገር በማሰብ አፈራርሶ እንዳልነበረ ማድረግ ጉዳቱ በምድራዊ ኑሯችሁ ብቻ ሳይሆን በሰማያዊ ህይወትም ከእግዚአበሔር የሚለይ ፈተና ነው።

ስለዚህ በግላችንም ሆነ እንደ ሀገራዊ ባህላችንና የማህበረሰቡ አመለካከተ ተፅኖ አንፃር በመካከላችሁ የተከሰተውን ችግር ለመሸከም እጅግ ከባድ ቢሆንም እንደ መንፈሳዊ ህይወት በትዕግስት ሁነን ስናስበው ግን ማንኛውም በደልና ጥፋት በትምህርት በተግሳፅ በንስኀ ህይወት አስተካክሎ ለመመለስ እንደሚቻል በማመን ሁለቱም ወገን ሰከን ብለው እስከመጨረሻው ድረስ ሁሉን ነገር ለእግዚአብሔር በመስጠት በይቅርታና በምህረት ማለፍ ይገባናል። እኛ ኀጢአተኞች ስንሆን በእኛም ላይ የደረሰብንን ችግር እንደ ትልቅ ጥቃትና ውርደት ቆጥረን ኑሯችንን ፣የግል ህይወታችንን ፣ የቤተሰብ ህይወታችንን የሚጎዳ ነገር እንዳንፈፅም ምክራችንን እንለግሳለን።

ከሁሉም በላይ የእኛን ህይወት ማንነት የተደበቀውንም ሆነ የተገለጠውን ድክመታችንን የሚያየው አምላካችን ምን ያህል እንደታገሰን ስንመለከት ሁሉን ነገር በትዕግስት እንድንመለከት ያደርገናልና ጠያቂያችን ማድረግ ያለብዎት፦

1ኛ/ እስካሁን ያሳለፋችሁትን የትዳር ህይወት በማሰብ፣ ደግሞም በእግዚአብሔር ቸርነት ያፈራችኋቸውን ሁለት ህፃናት በማሰብ፣

2ኛ/ ሰው ሆኖ የተፈጠረ ሁሉ በስህተትና በፈተና የመውደቅ አጋጣሚው ያለና የነበረ ስለሆነ፣

3ኛ/ እውነተኛ ክርስቲያን በፈጠጠ አይኑ ያየውንና በጆሮው የሰማውን ክፉ ነገር ሁሉ በትዕግስትና በፍቅር የሚያሸንፍ መሆን ስላለበት፣ በተቻለ መጠን እስከመጨረሻው ፀጥታ ድረስ ወደ ቀደመው ህይወታችሁ ለመመለስ በራስዎ በኩል ከፍተኛ ጥረት ማድረግ አለብዎት። የተከሰተውን ጥፋትም በቤተክርስቲያን አባቶች ትምህርት እና ምክር ተግሳፅና የንስኀ ህይወት በማሰጠት ማስተካከል ይቻላል።

በአጠቃላይ በእንዲህ አይነት አሳዛኝ ህይወት ውስጥ የወደቁት ባለቤትዎ በንስኀ አባትም ሆነ በሌላ ሽማግሌ አማካኝነት እኛን ሊያገኙ የሚችሉበትን መንገድ ቢያመቻቹ እግዚአብሔር ቢያግዘን ችግሩ ሊስተካከል ይችላል።

ሌላው፥ በአስማትም ሆነ በሟርት ተደረገብኝ የሚሉትን ፈተና ለማስወገድ ወደ ቤተክርስቲያን አባቶች ቀርበው ችግርዎን በመናገር ቢያንስ ለአንድ ሱባኤም ቢሆን ፀበል በመጠመቅ ልዩ ልዩ መንፈሳዊ አገልግሎቶችን እንዲያገኙ በማድረግ ከችግሩ ለመውጣት ይችላሉ። ሁልገዜ ሃይላችን እና መፅናኛችን የእግዚአብሔር ቃል ስለሆነ ተከታታይ ትምህርት እና ምክር የሚያገኙበትን ሁኔታ ማመቻቸት፣ በተጨማሪም በግልዎ ዘወትር በቋሚነት የሚፀልዩትን ፀሎት ለይተው ሳያቋርጡ መፀለይ ይገባዎታል። እነዚህን እና የመሳሰሉትን የቤተክርስቲያን አገልግሎት በማግኘት ከችግሩ ፈፅሞ መውጣት ስለሚችሉ ተስፋ ሳይቆርጡ በእምነት ከዚህ በላይ የሰጠንዎትን ስራ ላይ እንዲያውሉ እንመክራለን።

መልስ፦ ጠያቂያችን፤ ወደ ሴቶች በቀረቡ ጊዜ ቀድሞ የዘር መፍሰስ ልምድ ያጋጥመኛል ያሉት ጥያቄ ሃሳቡን ለቤተክርስቲያን መምህራን ወይም ለመንፈሳዊ አባቶች ለማማከር መምረጥዎ እጅግ የሚያስደንቅዎ ቢሆንም ፤ ወደ ዋና ሃሳብዎ ስንገባ ግን በመጀመሪያ ወደ ሴት ስቀርብ ያሉት አገላለፅ ከህጋዊ የትዳር ጓደኛ ጋር ከሆነ ብቻ ነው በእኛ በኩል እንደትክክለኛ ጥያቄ የምንቆጥረው። ነገር ግን አንዳንድ ሰዎች ከዝሙት ሃሳብ ከብዙ ሰዎች ጋር መሄዱ እንዲህ አይነት ሁኔታ ማጋጠሙ ስጋዊ ጠባይ ቢሆንም እንደ መንፈሳዊ ግን እጅግ የተከለከለ ነው። ስለዚህ እርስዎ ከህጋዊ ጋብቻ ጋር ይህ ችግር እንዳጋጠመዎት በማመን ብቻ የመንሰጥዎ ምላሽ ይሆናል ማለት ነው።

 እርኩሳን መናፍስት ከሰው በከፋ ሁኔታ ቀናተኛ እና ምቀኛ በመሆናቸው የሰውን ልጅ በተለያየ ጠባይ ይቆራኙታል። ከሰዎች ጋር መቆራኘታቸውንም እራሱ ባለቤቱ ያማያውቀው ነገር ግን በህይወቱ የሚያስተውለው ችግሩ ጎልቶና ተደጋግሞ ሲደርስበት ብቻ ነው። ለዚህም ነው ሐዋርያው ቅዱስ ጳውሎስ የሰው ውጊያው ከስጋዊያን እና ከደማዊያን ጋር ሳይሆን ከረቂቃን መናፍስት ጋር እንደሆነ በመልዕክቱ የገለፀልን።

 በቅዱስ ወንጌል እንደተፃፈ ማርያም መግደላዊት በተባለችው ሴት ላይ 7 አጋንንት ሲያድሩባት  ሰባቱም የተለያየ የ 7 ኀጢአት ያሰሯት እንደነበረ ቅዱስ ወንጌል ይነግረናል። ስለዚህ አጋንንት ከቁጥራቸው የክፋት ስራቸው በእኛ ህይወት ላይ ሲሰለጥኑ የተለያየ የክፋት ስራቸውን ያሰራሉ። በሴት የሚመሰሉ አጋንንት የሴት ስራ ያሰራሉ፣ በወንድ የሚመሰሉ አጋንንት የወንድ ስራ ያሰራሉ። ብቻ በምርምርና ቁጭ ብሎ እንደ ሂሳብ በስሌት የማይደረስበት ስፍር ቁጥር የሌለው የክፋት ስራ አላቸውና እርስዎ ከዚህ ክፉ መንፈስ ለአንዴና ለመጨረሻ ጊዜ ይድኑ ዘንድ ጉዳዩን በዝርዝር ከተረዳን በኋላ የመፍትሄ ሃሳብ የሚሆን ምክር እንድንሰጥዎ በውስጥ መስመር በሚላክልዎት አድራሻ እንዲያገኙን ሆኖ ፤ እስከዚያው ድረስ ግን በሚችሉት አቅም ፀሎት መፀለይ አለብዎት፤ ቢችሉ ድርሳነ ሚካኤልን፣ ወንጌለ ዮሐንስን፣ ውዳሴ ማርያምን፣ ዳዊትን ቢፀልዩ ፣ እንዲሁም ለተወሰነ ለአንድ ሱባኤም ቢሆን ይህንኑ ችግርዎትን ለካህን ነግረው ቢጠመቁና ሁሌም ከእርስዎ የማይለዩ ፀሎት መፃህፍትን እና መስቀልን መያዝ ቢያዘወትሩ በዚህ ሁሉ ያለውን ለውጥ በገሀድም ቢሆን ወይም በራእይ መልክ ምልክት ሊያዩበት ይችላሉ። በዋነኝት ግን እኛን ማግኘት ቸላ እንዳይሉ እንመክራለን።

መልስ፦አንድ ክርስቲያን የሆነ ወንድ ልጅ ወይም ሴት ልጅ በቤተ ክርስቲያን ቀኖና ድንግልናቸውን ጠብቀዋል  ሲባል : –

#1- ከጋብቻ በፊት የግብረ ሥጋ ግንኙነት አለማድረጋቸው በራሳቸው ቃለ መሓላ÷ በንስሐ አባትና በቤተሰበ ሲረጋገጥ

#2- በሃይማኖታቸውና በክርስቲያናዊ ስነ ምግባር ጸንተው ከእግዚአብሔር ቤት ሣይለዩ ቅዱስ ቁርባን እየተቀበሉ  ስለመ ኖራቸው ቤተክርስቲያን ስትመሰክርላቸው

#3- ከጋብቻ በፊት  የድንግልና ክብራቸውን  ሊያሳጣ የሚችል ሐጢአት ያልሰሩ ለምሣሌ ÷ የሰው ሕይወት ማጥፋት፣ ጣዖት ማምለክ፣ ማስጠንቆል መሥረቅ  የመሣሰሉትን ጥፉቶቸ መፈጸም  ናቸው ።

#4- የወንድ ልጅ ድንግልና  ማረጋገጫ በ ራሱ ህሊና አምኖ ለነፍስ አባቱ ከሚገባው ቃል ኪዳን ዉጪ ሌላ አካላዊ ማረጋገጫ  አይኖርም   በእርግጥ ከምንም በላይ  ልብንና ኩላሊትን የሚመረምር አምላክ  ከሰው የሰወርነውን በደላችንን ሁሉ ሰለ  ሚያውቀው ለህሊናችንና ለሃማኖታችን ስንል እውነቱን እዉነት ሃሰቱን ሃሰት ልንል ይገባል         

#5- የሴት ልጅ ድንግልና ራሷ ፍጹም ታማኝ  እና ቅድስናዋን የጠበቀች ሁና እያለ :-  በተፈጥሮ ፣ በሕመም ምክንያት ፣ በአስገድዶ መደፈር ፣ በከፍተኛ የሥራ እንቅስቃሴ (ክብደት) – በሕክምና እና በመሳሰለው ሁሉ አካላዊ የድንግልና ምልክቷ ባይገኝባት እንደ ቤተክርስቲያ አስተምሮ ሌላ ነውር እሰከአልሠራች ድረስ የድንግልና ክብሯን አያሳጣትም።   

 ስለዚህ ስለድንግልና ማንነት ማወቅ የምንችለው በተፈጥሯዊ ዕውቀትና በሳይንሳዊ ምርምር ወይም በሰውኛ ዕውቀት ሳይሆን ብቸኛ ዐዋቂው የራሳችን ውሳጣዊ ኅሊናና  የሁሉ ባለቤት ፈጣሪ ብቻ በመሆኑ መሠረታዊ የሆነውን ትምሕርተ ሃይማኖት ከማወቅ አልፎ ያለውን ድርሻ ለእግዚአብሔር ብቻ መስጠት አለብን ጠያቂያችን እነዚህ ከላይ የጠቀስናቸው ሁሉ ለሚስጥረ ተክሊል ስርዓት የምንበቃባቸው ሲሆኑ

መልስ፦ ጠያቂያችን የቤተክርስቲያንን ቀኖና እና ስርዓት ለማክበር ብለው ለመረዳት መጠየቅዎ አግባብ ነው። ምክንያቱም “የእግዚአብሔርን ቃል አባትህን ጠይቀው እውነቱንም ይነግርሃል” ይላልና። በመሰረቱ ቅዱስ ቁርባን ለመቀበል ወደ ቤተመቅደስ ተጠግተን ለማስቀደስ 3 ቀን ከስጋ ስርዓት እንድንርቅ የሚደረግበት ምክንያት ጌታችን መድኃኒታችን እየሱስ ክርስቶስ ስለኛ በተቀበለው መከራ በእለተ አርብ በመስቀል ላይ ተሰቅሎ ቅድስት ነፍሱን ከቅዱስ ስጋው ለይቶ 3 መአልትና 3 ለሊት በከርሰ መቃብር ውስጥ ቆይቷል። በዚህም ምክንያት ቅዱሳን ሐዋሪያት እና ከሱ ጋር ይከተሉት የነበሩት ደቀመዛሙርት የጌታን ትንሳኤ ሳናይ የሚበላ አንበላም የሚጠጣም አንጠጣም ብለው በፆም ተወስነው ስለቆዩ ነው። ስለዚህ ዛሬም የምንቀበለው ቅዱስ ቁርባን የክርስቶስን አማናዊ ስጋና አማናዊ ደም ስለሆነ ያንን መነሻ አብነት አድርገን ለ 3 ቀናት ንፅህናችንን እና ቅድስናችንን ጠብቀን የምንቆየው ነው።

ስለሆነም ለምሳሌ አንድ ሰው እሁድ ቤተክርስቲያን ለመግባት ቢያንስ ከአርብ ማታ ጀምሮ ከስጋ ሩካቤ መቆጠብ አለበት ማለት ነው። ከዚህ ውጪ በፈተና ከወደቅን ግን የተለመደ የዘወትር ፀሎታችንን በቤታችን አካለ ስጋችንን ታጥበን በፀሎት ቤታችን ቆመን ማድረስ እንችላለን ወይም ወደ ቤተክርስቲያን ሄደን ከመግቢው ቅጽር ሆነን መፀለይ እንችላለን ማለት ነው።  

በማንኛውም ግዜ የፆም የፀሎት ሱባኤ በራሳችንም ይሁን በአባቶቻችን ቀኖና ተሰጥቶን የፆምና የፀሎት ሱባኤ በያዝን ግዜ፣ በእለተ ሰንበት እና በታወቁ በአላት ቀን ፈፅሞ ሚስትም ከባልዋ ተለይታ ወንድም ከሚስቱ ተለይቶ መኝታቸውንም የተለየ አድርገው የሚበላውንም የሚጠጣውንም ከተለመደው የአመጋገባቸው ስርአት ቀንሰው አጠቃላይ ፈቃደስጋቸውን ተቆጣጥረው ነው መፆም የሚገባቸው። ፆም ራሱን የቻለ ከእግዚአብዜር ጋር የምንገናኝበት የፅድቅ መንገድ ስለሆነ በዚህን ግዜ ማንኛውም ክርስቲያን የስጋ ፈቃዱን መቆጣጠር እንዳለበት የቤተክርስቲያን ቀኖና ይደነግጋል። ይህን ስንል በቀኖና የተደነገጉ 7ቱ አፅዋማትና እንደገናም በአባቶቻችን ሱባኤ ተሰጥቶን የምንፆምባቸው አፅዋማትን ይመለከታል። ይሁን እንጂ ከአቅም በላይ በሆነ ፈተና ፈቃደስጋችን አሸንፎን በዚህ ምኞት ከወደቅን ላጠፋነው ጥፋት የህሊና ፀፀት ተፀፅተን ለንስሐ አባታችን ወደፊት የምንነግረው ሁኖ ፆምና ፀሎትን ሳናቋርጥ እስከመጨረሻው ልንፈፅም ይገባናል በማለት ለጠያቂያችን ይሄ ምክር እንዲደርስዎ አድርገናል።

መልስ፦ ስርአተ ተክሊል አስባችሁ በመካከል ላይ ራሳችሁን ለመግዛት ሳትችሉ በመቅረታችሁ በመካከል ባደረጋችሁት የስጋ ድካም ከስርአተ ተክሊል በፊት የድንግልናችሁን ክብር ስላጣችሁት የፈፀማችሁትን ጥፋት ለንስሓ አባት በመናገር ቀኖና ከተቀበላችሁ በኋላ በስጋው ደሙ መጋባት ትችላላችሁ። ስርአተ ተክሊል ግን መፈፀም አይቻልም። ዋናው ነገር ለስጋዊ ስም እና ዝና ተብሎ እግዚአብሔርን በሚያሳዝን ሁኔታ የማይገባንን ስርአተ ተክሊል ከመፈፀም ይልቅ፥ በእግዚአብሔር ዘንድ እውነቱን አረጋግጠን የምናገኘው ክብር በስርአተ ተክሊል ከምናገኘው ክብር እኩል ስለሆነ የሚያሳስበን እና የሚያስጨንቀን ነገር አይኖርም።

መልስ ፦ ጥያቄው መቅረቡን በአክብሮት ብንቀበለውም ነገር ግን ከጋብቻ ጋር በተያያዘ ቅድመ ጋብቻም ይሁን ድህረ ጋብቻ ስላሉት ስለሚፈቀዱና ስለማይፈቀዱ ሁኔታወችም በስፋት መልእክት ማስተላለፋችን ይታወሳል። ይሁን እንጂ ጠያቂያችን ከዚህ በፊትም ያስተላለፍናቸውን መልዕክቶች ማየት ካልቻሉ አሁን ለጠየቁን ጥያቄ መረዳት ያለብዎ ማንኛውም ሃይማኖት ያለው ክርስቲያን ለአካለ መጠን ወይም ለአካለ ጋብቻ ደርሶ እና በሃይማኖት ስርዓትና በባህላዊ ትውውቅና በስርዓተ በጋብቻ ከመፈፀማቸው በፊት ማንኛውንም የአካለ ስጋ ሩካቤ ማድረግ ፈፅሞ ክልክል ነው። ለዚህም ነው በቅዱስ ጳውሎስ ስጋችሁን ለመግዛት ፍላጎታችሁን ለማሸነፍ ካልቻላችሁ በምኞት ከመቃጠል ማግባት ይሻላል ያለው። በዚህ መሰረት ማንኛውም ወንድም ሆነ ሴት ክርስቲያን የስጋውን ፍላጎት መግዛትና መቆጣጠር በማይችልበት የእድሜ ደረጃ ሲደርስ በሃይማኖት ስርዓትና በአገራዊ ባህል የፈለጋትን ወይም የፈለገችውን ተስማምተው ማግባት እንደሚችል ተፈጥሮዋዊ ማንነት ከእግዚአብሔር ተሰጥቷል። ከዚህ የተነሰ የተሰጠንን የነፃነት ፀጋ መጠቀም መቻል እንጂ ከጋብቻ በፊት የድብብቆሽ ስራወች መፈፀም እኛንም በነፍስ ይጎዳናል ከፈጣሪ ጋርም ያጣላናል በሰው ዘንድም መሀበራዊ ማንነታችንን ያዛባል። እና ጠያቂያችን በዚህ መልክ ስራ ላይ ብናውለው በእግዚአብሔር ዘንድም በረከትና መንፈሳዊ እድገት ያሰጣል በማለት እንመክራለን።

መልስ ፦ ለትዳር የተጫጩ ወንድና ሴት ጋብቻቸውን ከመፈፀማቸው በፊት የሚያደርጉት ግንኙነት እንደቤተክርስቲያን አስተምሮ የዝሙት ሃሳብ ነው። ምክንያቱም አንድ ሆነው ማንኛውንም የጋራ ህይወታቸውን ለመቀጠል ጋብቻቸውንም በአዋጅ በአደባባይ ለማስታወቅ በመንገድ ወይም በቀጠሮ ላይ እያሉ ያንን ቀጠሮ ማክበር አቅቷቸው ፍትወተ ስጋቸው አሸንፏቸው የሩካቤ ስጋ ቢፈፅሙ ግን እንደ ዝሙት ይቆጠራል።   ስለዚህ የጥፋቱ መጠን ታይቶ በንስኀ አባታቸው የንስኀ ቀኖና እና ቀጣይ ምክርና ትምህርት የሚሰጣቸው ይሆናል ማለት ነው።

ባልና ሚስት ሆነው ግንኙነት ከፈፀሙ ሦስት ቀን ሳይሞላ ቤተመቅደስ መግባት አይችሉም። በመሰረቱ ወደ ቤተመቅደስ ተጠግተን ለማስቀደስ ወይም ቅዱስ ቁርባን ለመቀበል፣ ወይመሰ ጸበል ለመጠመቅ 3 ቀን ከስጋ ስርዓት እንድንርቅ የሚደረግበት ምክንያት ጌታችን መድኃኒታችን እየሱስ ክርስቶስ ስለኛ በተቀበለው መከራ በእለተ አርብ በመስቀል ላይ ተሰቅሎ ቅድስት ነፍሱን ከቅዱስ ስጋው ለይቶ 3 መአልትና 3 ለሊት በከርሰ መቃብር ውስጥ ቆይቷል። በዚህም ምክንያት ቅዱሳን ሐዋሪያት እና ከሱ ጋር ይከተሉት የነበሩት ደቀመዛሙርት የጌታን ትንሳኤ ሳናይ የሚበላ አንበላም የሚጠጣም አንጠጣም ብለው በፆም ተወስነው ስለቆዩ ነው። ስለዚህ ዛሬም የምንቀበለው ቅዱስ ቁርባን የክርስቶስን አማናዊ ስጋና አማናዊ ደም ስለሆነ ያንን መነሻ አብነት አድርገን ለ 3 ቀናት ንፅህናችንን እና ቅድስናችንን ጠብቀን የምንቆየው ነው።

በመሆኑም ህግ እና ቀኖና የሆነውን ነገር በህግነትና በቀኖናነቱ የተወሰነውን እውነቱን ማወቅ አስፈላጊ ነው። ይሁን እንጂ በደካማ ስጋችን ተፈትነንና ስጋዊ ምኞት አሸንፎን ቀኖናን የሚሽር ስህተት ፈፅመን ብንገኝ ወይም ደግሞ ከ 3 ቀን ባነሰ ጊዜ ወደ ቤተክርስቲያን ጠያቂያችን ያነሱትን ስህተት ፈፅሞ ቢገባ ያ ክርስቲያን ፈፅሞ የተወገዘ የተረገመ ነው ማለት አይደለም። የቤተክርስቲያን ስርዓት እና ቀኖና በመሻሩ ተግሳፅና ምክር ሊሰጠው ይችላል። ወደፊት እያወቀ እንዲህ አይነት ጥፋት እንዳትፈፅም ተብሎ ምክር ይሰጠዋል። ይሄ የሚሆነው በህጋዊ ጋብቻ ተወስነው ለሚኖሩ ነው። ከዚህ ውጭ ለሚሆነው ግን እንኳን ቤተክርስቲያን በድፍረት ለገባንበት ይቅርና ከሕግ ውጭ ላደረግነው ግንኙነትም ከባድ የቀኖና ቅጣት ይጠብቀናል። በዚሁ መሰረት ጠያቂያችን ቀኖና ባለመሻር እና ከእግዚአብሔር በረከት ለማግኘት በምናደርገው መንፈሳዊ አገልግሎት በነፍስ የምንጎዳበት እርግማን እንዳያመጣብን ከወዲሁ ክርስቲያናዊ ስነምግባር እና ጥንቃቄ ሊኖረን ይገባል በማለት መልዕክታችን እንዲደርስዎት አድርገናል።

ጠያቂያችን ሃሳብ እና ዝሙት የሚለው ቃል በቤተክርስቲያን አተረጓጐም ብዙ ትርጉም አለው ። ይህ ማለት አንድ ክርስቲያን የዝሙት ስራ ሊሰራ ፣ሰው ሊገድል ፣ ገንዘብ ሊሰርቅ፣ አምልኮ ባዕድ ሊፈፀም ወይም ለጣኦት ሊያመልክ ፣ ሊያስጠነቁል፣ ሊጠነቁል ፣ሊያሟርት የቀን ቀጠሮ ይዞ እግዚአብሔርን ለማታለልና ለመደለል ወይም እግዚአብሔርን እንደ አላዋቂ ለመቁጠርና ለመፈታተን ወደ ቅዱስ ቁርባን መቅረብ፣ ወደ ቤተ ክርስቲያን መሄድ፣ ማስቀደስ፣ መጸለይ ከንቱ ነው ማለት ነው። ሃሳብ ማለት ፍጹም መላ ህይወታችንን ለኀጢአት ተገዢ ለማድረግ መወሰን ማለት ነው። ነገር ግን አንዳንድ ግዜ በሃሳብ እየተዋጋን ታግለን እያሸነፍነው በአላማችን የምንኖራቸውን እንደማይመለከት መገንዘብ ያስፈልጋል። ምክንያቱም የሰው ልጅ የሚያስተውል እና ሁሉን ለይቶ የማወቅ ጥበብ የተሰጠው የሚያስብ ስለሆነ በአይናችን ያየነው ነገር ወዲያውኑ በሃሳብ ሊፈትነን ይችላል ፤ነገር ግን ከዋናው አላማችን እስካልወጣን ድረስ ውስጣችንም ስለሚፀፀትበት እና የህሊና ንስኀም ስለምንገባበት ኀጢአተኞች ሊያስብለን እንደማይችል መረዳት ያስፈልጋል፡፡

መልስ ፦ በመሰረቱ ባል እና ሚስት የስጋ አስተሳሰብ በሆነ ፈተና ለሚያጋጥማቸው ችግሮች እንዲፋቱ አይፈቀድላቸውም። ከአቅም በላይ በሆነ ጉዳይ ለምሳሌ ጠያቂያችን እንዳሉት በዝሙት ምክንያት ከተፋቱ ግን፦

1. በየግላቸው ስጋው ደሙን ለመቀበል የሚችሉት በቀጣይ ህይወታቸው ሴቷም እንደስዋ በቁርባን ተወስኖ የሚኖረውን ለማግባት፣ ወንዱም እንደሱ በቁርባን ተወስና የምትኖረውን ለማግባት ከሆነ እየቆረቡ ለመኖር ይችላሉ።
2. ወንዱም ሆነ ሴቷ አብረው የነበሩበት የጋብቻ ቆይታቸውንና የተፋቱበትን ዋና ምክንያት ተናዘው እንደነሱ በሃይማኖትና በምግባር የሚወሰነውን ባል ወይም ሚስት በማግባት እየቆረቡ መንፈሳዊ ህይወታቸውን ማስቀጠል።
3. ሁለተኛ ላለማግባት የወሰኑ ከሆነ ንፅህናቸውን እና ቅድስናቸውን ጠብቀው በየግዜው የነፍስ አባታቸውን እያማከሩ በስርዓተ ቁርባን ህይወታቸውን ማስቀጠል ይችላሉ።
4. ሌላው ቀጣይ ህይወታቸውን ስርዓተ ምንኩስና በመወሰን መንፈሳዊ ልባዊ ውሳኔ ካላቸውም በስርዓተ ቁርባኑ ተወስነው ከቆዩ በኋላ በቤተክርስቲያን ቀኖና መሰረት የንስሓ አባታቸውን አማክረው ለምንኩስና የሚያበቃቸውን መስፈርት ሲያሟሉ እንዲመነኩሱ ይደረጋል ማለት ነው።
5. ዲያቆን ወይም ቄስ ሚስቱ ብትሞትበት ወይም ከሱ አቅም በላይ በሆነ ፈተና ቢፋታ፤ ያለ ሚስት የሚቀድሰውም ሆነ አባት የሚሆነው እስከ 6 ወር እንደሆነ በፍትሐ ነገስት ተወስኗል። ከዚያ በኋላ ግን ወይ መንኩሶ በክህነቱ ይቀጥላል፤ ወይም ፈተናውን የማይችለው ከሆነ ለቤተክርስቲያን አባቶች በግልፅ ተናግሮ በቅዱስ ቁርባን ተወስና የምትኖረውን ያገባል። ከዚህ በኋላ ግን መቀደስም ሆነ አባት መሆን አይችልም። የውጭ አገልግሎቱን እያከናወነ እየፀለየ ለመንግስተ ሰማያት የሚያበቃውን የቱሩፋት ስራ እነሰራ መኖር ይችላል።

ስለዚህ ጠያቂያችን በአጭሩም ቢሆን ይህንን ማብራሪያ እንዲደርስዎ ስላደረግን አንብበው እንዲረዱት በእግዚአብሔር ስም አደራ እንላለን።

መልስ፦ ክርስትናን በአለማ በመግለፅ እስከመጨረሻው ያለውን መንፈሳዊ ግዜያችንን ለማጠናቀቅ እንዳንችል ሰይጣን በብዙ መንገድ የፈተና መሰናክል የማከናወኑ ነገር የተለመደ የህይወት ፈተና ነው። ስለዚህ ራሳችንን ከኅጢአት አግልለን እውነተኛ ክርስቲያን ለመሆን ራሳችንን መካድ ያስፈልጋል፤ ማለትም ክርስቲያን ለመሆን የክርስቲያንን ስራ መስራት ያስፈልጋል። ክርስቲያን ደግሞ በስጋ ምኞት ተፈትኖ የወደቀበት ኀጢአት ቢኖር እንኳን ለሰራው ኅጢአት ጊዜ ሳይሰጥ ወድያውኑ በንስሓ ህይወት ከወደቀበት ይነሳል። 

ጠያቂያችንም ሰወች ሁሉ ከሚፈተኑበት ኅጢአት እርስዎም በዚህ ፈተና ውስጥ መውደቅዎ እንደ መንፈሳዊነት የሚያሳዝን ነገር ቢሆንም በንስሓ ህይወት ተመልሰው ከወደቁበት የኅጢአት ጉድጓድ ለመነሳት ፈቃደኛ መሆኖም እጅግ የሚያስደስት በመሆኑ እርስዎ እየተፈተኑበት ያለውን የስጋ ፈቃድ እኛ ከምንሰጥዎ መንፈሳዊ አባት ጋር በመመካከር እና ትምህርት በመውሰድ እንዲሁም ዘወትር በፀሎት፣ በስግደት፣ ቢጋደሉ  ለአንዴ እና ለመጨረሻ ግዜ ለዘመናት የሚፈታተንዎትን የሰይጣን ፈተና ተላቀው እንዲወጡ ነፃ እንዲሆኑ ያደርጉዎታል። በተለያያ መንገድ የሚፈታተነንን የሰይጣን ሃሳብ በመንፈሳዊ ቁርጠኝነት አላማችንን አፅንተን በእውነተኛ ሃይማኖትና ምግባር መጋደል ከቻልን እንኳንስ ይሄንን ትንሹን የኀጢአት ጥፋት ቀርቶ ሌላውን አስጋራሚ የፅድቅ ስራ ሁሉ ለማከናወን እንድንችል አምላከ ቅዱስ እግዚአብሔር ኃይሉን እና ጥበቡን ያቀዳጀናል። ስለዚህ ከዚህ ከማይጠቅም የዝሙት እና በተፈጥሮ እንኳን ካልተፈቀደው ሰይጣናዊ ዝሙታዊ ስራ ፈጥነው ይወጡ ዘንድ በአስቸኳይ መንፈሳዊ ምክር እንድንሰጥዎ በውስጥ መስመር ያነጋግሩን።  

ከማያውቁት ወንድ ጋር በህልመ ለሊት ግብረ ስጋ ግንኙነት ማድረግ የሰው ልጅ በራሱ ስጋዊ ስሜት አስቦበትና ፈለጎት ያደረገው ኅጢአት ስላልሆነ መደበኛ የንስሓ ቀኖና አያስፈልገውም። ነገር ግን በህልመ ሌሊት እየመጣ ለወንዱ ሴት መስሎ፣ ለሴትዋ ደግሞ ወንድ መስሎ የሚገናኝ ስጋ የለበሰ እርኩስ መንፈስ ስለሆነ ስጋዊ ህይወታችንንም ሆነ መንፈሳዊ ህይወታችንን ስለሚያበላሸው ከኛም ተለይቶ መወገድ ስላለበት ለአባቶች ቀርቦ በመናዘዝ ልዩ ፀሎት፣ ስግደት፣ እና ጥምቀት ማደረግ ያስፈልጋል። ሁሌ የሚፈታተነን ክፉ መንፈስ ከኛ ተለይቶ እስከሚጠፋልን ድረስ የተለያየ ልዩ ፀጋ ያላቸው አባቶች በፀሎት እንዲያስቡን በማድረግ እኛም በግላችን በምንችለው አቅማችን ዘወትር መፀለይ ያስፈልገናል። እንዲህ በሆነ ግዜ እርኩስ መንፈሱን የእግዚአብሔር ቃል ስለሚያቃጥለውና እኛ ጋር ያለው መንፈሳዊ ህይወትም ስለሚዋጋው ፈፅሞ ይጠፋል ፤ ስለዚህ ጠያቂያችን ይህንን ጉዳይ ንስሓ እንሚያስፈልገው አድርገው ማሰብ የለብዎትም። ስለዚህ ይህ ሲሆን ስንት ቀን ነው ጸበል ከመጠመቅ እና ሌሎች መንፈሳዊ ተግባራት የምከለከለው ላሉት፤ አንኳንስ ለመቆየት እንዲያውም ወድያውኑ ሰይጣን ሊፈትነኝ መጣ ብለን በዛኑ ቀን ወደ ቤተክርስቲያን በመሄድ ፀበል መጠመቅና በመስቀል መዳስ እንችላለን

መልስ፦ጠያቂያችን እንዳሉትም በአፇማት እና  የበዓል ቀናት ወደ ቤተክርስቲያን ለመሄድ ከሩካቤ ስጋ መጠበቅ እንዳለብን የቤተክርቲያን ቀኖና ይደነግጋል። እንዴት ማክበር እንዳለብን በሚመለከት፦

1ኛ/ ስለአፇማት፦ ለምሳሌ ሮብ ለመፆም ማክሰኞ ለሮብ፣ ሐሙስ ለአርብ መታቀብ አለብን ማለት ነው።

2ኛ/  ሌሎችን የአዋጅ ፆም በሚመለከት ፦ ወንዱ ከሴቷ፣ ሴቷም ከወንዱ እርቃ በሱባኤ ተለይቶ ማሳለፍ እንዳለብን የቤተክርስቲያናችን ቀኖና ያዛል። ይሁን እንጂ ከአቅም በላይ በሆነ ፈተና ፈቃደስጋችን አሸንፎን በዚህ ምኞት ከወደቅን ላጠፋነው ጥፋት የህሊና ፀፀት ተፀፅተን ለንስሐ አባታችን ወደፊት የምንነግረው ሁኖ ፆምና ፀሎትን ሳናቋርጥ እስከመጨረሻው ልንፈፅም ይገባናል።

3ኛ/ በአላትን በሚመለከት እለተ ሰንበት፣ የእመቤታችን በዓል፣ የባለቤቱ የጌታችን የመድኅኒታችን እየሱስ ክርስቶስ በአላት ፣ እና ሌሎችም ታላላቅ የታወቁ በዓላት ከዋዜማቸው ጀምሮ ከሩካቤ እርቀን ማክበር አለብን።

በተጨማሪም ወደ ቤተክርስቲያን ሄዶ ለመቁረብ ወይም ለማስቀደስ ከዚህ በፊ ስለ ቅዱስ ቁርባን መደረግ ስለሚገባው ጥንቃቄ ባስተላለፍነው ትምህርት ለ 3 ቀናት ንፅህናችንን እና ቅድስናችንን ጠብቀን መቆየት እንዳለብን ማብራራታችንን እናስታውሳለን። ስለዚህ በዚህና በሌሎች ጥያቄዎች  ዙርያ ያስተላለፍናቸውን መልእክቶች ከድረገጻችን በመመልከት ተጨማሪ ትምህርት  እንዲያገኙበት ከዚህ በታች ሊንክ ልከንልዎታል።

መልስ፦ ጠያቂያችን እንዲረዱትና እንዲያውቁት የሚያስፈልገው ነገር በስርዓተ ተክሊል መጋባት ያለባቸው ጥንዶች ወይም ወንድና ሴት ክርስቲያኖች በቤተክርስቲያን ስርዓት ተክሊል ከመፈፀማቸው በፊት ስለወደፊት የጋብቻ ፕሮግራማቸውና ሰለሚቀጥለው የትዳር ኑሯቸው ተነጋግረው ቃል ኪዳን ከፈፀሙ በኋላ መንፈሳዊ ሰላምታ እየተለዋወጡ ለቀጣይ ህይወታቸውም የሚጠቅማቸውን ነገር ለመስራት በሃሳብና በተግባር እየተረዳዱ ስለመንፈሳዊ ህይወታቸውም እንዴት መፀለይና መበርታት እንዳለባቸው እየተመካከሩ፣ ወደ ቤተክርስቲያንም ዘወትር እየቀረቡ ቅዱስ ቁርባን በየግላቸው እየተቀበሉ እስከ ጋብቻቸው ድረስ መቀጠል እና ይሄንን የመሳሰለውን ቅድመ ሁኔታ መመካከር እንጂ ፤ ከዚህ ያለፈ በስጋዊ ፍትወት እየተቃጠሉ መዳራት እና የስሜት ፆራቸውን ከግብረ ስጋ ግንኙነት ባልተናነሰ እየፈፀሙ የቆዩ ከሆነ ስርዓተ ተክሊል አይፈፀምላቸውም። ይልቁንም ስላደረጉት ሰህተት ለንስኀ አባታቸው በግልጽ በመናዘዝና ጥፋታቸውን በማመን በፈፀሙት ጥፋት መጠን እንደ ቤተክርስቲያን ቀኖና ንስኀ ተቀብለው ንስኀቸውን ከጨረሱ በኋላ በቅዱስ ቁርባን ሊጋቡ ይችላሉ እንጂ በበረከት ፈንታ መርገም ሊያመጣባቸው የሚችለውን ሰህተት ወይም ድፍረት መፈፀም የለባቸውም። እግዚአብሔር ላስቻለውና ከዝሙት ጠንቅ ጠብቆት በመንፈሳዊ ጽናት ለቆየ የክርስቲያን የድንግልና ዋጋ ወይም የክብር መገለጫ የሆነውን ስርዓተ ተክሊል በመፈጸም ጋብቻቸውን በስጋወ ደሙ ማረጋገጥ ከሁሉ የሚበልጥ የተቀደሰ አላማ ነው። በአንዳንድ ፈተና በኀጢአት ሰህተት ከወደቅን ግን ለስጋዊ ክብራችን ተጨንቀን ወደ ሁለተኛ ጥፋት የሚያገባንን በድፍረት ስርዓተ ተክሊል መፈፀም ግን እጅግ ነውር ስለሆነ ሁላችሁም ይሄንን መልዕክት በአጽንዖት እንድትረዱት አደራ እንላለን።